zun see hoid zun see hoid zun in see hoid see hoid sunst is nix ohne see sogns ole megn an see seng
heit und moang und jedn dog hoid göi so is des oafoch weis es gwend sand und aa wons es nit gwend sand woins es hoid
eh kloa oiso mei kloas wossa woins nua zun oschau einihupfn woastaseh wosfira feinspitz de sand vawende
woin imma nua des beste vom bestn woheas des wissn wos des beste is woas i nit hoid zun see owe woins
an fischareischei firaschei mochans oafoch weis zun see foan woint
gemma bon gemma zun wossa bon wossa wos ondas homms nit in kopf de leit frau tier
hoid zun see hoid zun see zun see gengan hoid zun see sogn a see is a see is a see koa onung homms
wos a see is gschmoo muass sei am see nit woa a see is schee sogns a see is a see wos ondas foit eana nit ei
wos a see is wissns nit wia ma an see schee doa kint dass mi späda a nu gibt wonns se neama gibt deppat sands
zun see woins so is em zun see hoid zun see woins eini in see ume üwan see drin sei in see
i moan so a see is nit zum bon bodwon badewanne koid wüli nit sei kloa wüli nit sei bis zun grund woins wüli seng ma
a see is fia de fisch fiat pflonzn dreckat wüli sei hoid wosi ongenem find one sonnencreme one seifn
hoid oafoch sauwa owa dreckat sei deafn heast sats deppat leit
wea warat i dass i nua fia eich do wa